りゆブログ:『雨とお化けは怖いよ』

篇幅頗長,請按(繼續閱讀) m(_ _)m

Read More

返新工了2010

失業左一段時間,求職失敗過好多次,有次仲要係踩左半隻腳入去都比人踢走…本人都已經灰過灰太郎之際…有個舊同事搵返我就即刻再現曙光。

話說我同佢做過一年同事,我比佢早離開公司,之後都冇聯絡過。上個月佢突然搵我,我仲以為佢轉行做傳銷,點知原來佢去左另一間做類似工作既公司,想搵個有經驗既人,就第一時間搵我。不過我比較驚訝既係佢居然仲有留我電話…

所以話出黎做野真係要攪好人事關係,同埋你做唔做得野,真係有人知的…

呢度返工時間都幾長,雖然我已經少寫野,但黎緊可能會更少…公司方面又因為保安理由唔可以上網,連偷雞寫兩句野或者譯下歌詞都唔得…/.\" So SAD…

第一次睇港甲聯賽

尋日去左睇港甲,屯門主場對傑志。

話說對上一次入場睇港甲球隊,係十年前同中學同學一齊入場睇亞洲盃賽冠軍盃,愉園對名古屋八鯨。唔洗講都知我入場係捧邊隊啦…XD 果晚差d就比果幾個同學掉我落山 XD

尋日屯門主場既入座率好高,幾乎全場爆滿。雖然有人話係球隊/球買左一大堆門票再送出去,但我認為咁都係一個比區內人士接觸同認球隊既好方法。呃…我係購票入場的…

呢場屯門 o係開波初段先開紀錄之餘,不久後仲救到對方既十二碼,令全場球迷都熱血沸騰起黎。不過好可惜到比賽末段比對手連追兩球反勝。

全場球迷都好投入,睇波必備既 “萬人齊屌" 就一定有嫁喇,加埋間唔中仲有d呀叔大嗌,氣氛唔錯 XD